2 baata’in..

2 baatain sun ker, parh kar, jan kar afsoos ke ilawa kuch nahi kar pa rahi..

1st) thalassemia centres ke lougon ka kehna hay ke agar ham na hote, centres na hote aap loug kahan jate?

2nd) government ki taraf se provided medicines ki selling..

Kia hamara yaqeen apne Rab pe itna kamzor hay? Agar aik centre na hota dosra hota, dosra na hota teesra hota.. Allah hume be-yaar-o-madadgar tu kabhi na chorta..

Centres chalane wale lougon ka business nahi hay, koi job nahi hay.. centre hi un ka source of income hay tu yeh baat shayad unhe sochni chahiye ke agar bache na hote tu aap ki source of income kia hoti?
Shayad aap us time yeh kahen ke Allah humein kaheen aur se rozi deta tu yeh jan len ke Allah hi un bachon ko kaheen aur se treatment bhi deta agar aap na dete..

Medicines jin bachon ko suit nahi karti centres un ko bhi letter likh ke de deta hay ke jao free medicine lao, humein do hum return mein tumhe dosri medicine de gen aur woh free medicine baich dete hain centre wale.. kia yeh jaiz hay? Aap is tarah kisi ghareeb ka haq nahi mar rahe? Aap woh medicine baich kaise sakte hain?

Aap loug aik zariya / waseela hain, Khudara zameeni Khuda na bane..