ghazals…

Yeh jism koi rait ki deewar nahi hai
is tarha bhikarna mera miyaar nahi hai

mehroom-e-tamanna hun na maayus-e-tamanna
bas saath meray waqt ki raftaar nahi hai

aawaaz faqat sun ke to mat jashan manaao
logon! yeh meri aah hai jhankaar nahi hai

woh shakhs kahin per mujhe mil jaaye to keh dun
koi tere zakhmon ka kharidaar nahi hai

pehchaan zara ghaur se hum rooh-e-safar hain
tu yeh na samajh , raasta dushwaar nahi hai

*_*_*_*_*_*_*_*_*_*_*_*_*_*_*_*_*_*_*

Ju Bhi Mushkil Kaam Tha Karna Acha Laga
Us Nadi Ke Paar Utarna Acha Laga

Lafzon Mein Tasveer Bana Kar Chahat Kee
Us Mein Rang-e-Maani Bharna Acha Laga

Ham Nain Dekha Hai Use Ik Bulandi Par
Aur Wahan Par Us Ka Darna Acha Laga

Woh Khushboo Ki Soorat Aa Kar Phela To
Hamein Bhee Apna Aur Bikharna Acha Laga

Jis Raste Se Sare Log Palat Aye
Us Raste Se Mujh Ko Guzarna Acha Laga

Jis Manzar Par Dheyan Kiya Woh Doob Geya
Meri Khushk Ankhon Se Jharna Acha Laga

*_*_*_*_*_*_*_*_*_*_*_*_*_*_*_*_*_*_*

Jaage huye mile haiN, kabhi so rahe haiN hum
Mausam badal rahe haiN basar ho rahe haiN hum

Baithe hain dostoN mein zaroori haiN qehqahe
Sab ko hansa rahe haiN magar ro rahe haiN hum

AankheiN kahiN, nigaah kahiN, dast-o-pa kahiN
Kis se kaheiN ke dhoondo bahut kho rahe haiN hum

Har subha phaink jati hai bistar pe koyi jism
Ye kaun mar raha hai, kise ro rahe haiN hum

Shayad kabhi ujaloN ke oonche darakht hoN
SadiyoN se aansuoN ki chamak bo rahe haiN hum

11 thoughts on “ghazals…”

  1. hi,
    first one is nice… wesey sab main APNI baat hi ki gaey hey… arrey… aur bhi log hain…

    hey visit my blog… and poetry… would wait for your comments…

  2. very nice, infact ur poetry reflects a very miture thought, well done and i suggest u should publish ur poetry…..

  3. Ali Shah: I have this problem with much of my collection that I doesn’t know who’s poetry is it :$ sorry dude cant help you in this thing…

  4. fantastic collection…any body will simply fall in love with the lyrics.
    great job.

    great choice tooo….

    thanks
    shekhar

Leave a Reply