خواب۔۔

خواب دیکھنا کوئی بری بات نہیں۔۔ نہ ہی خواب دیکھنے پہ کوئی پابندی ہوتی ہے۔۔ ایسے ہی میں نے بھی ایک خواب دیکھا ہے۔۔ جو آج میں آپ لوگوں کے ساتھ شیرکرنا چاہتی ہوں۔۔

پاکستان میں بہت سے تھیلیسیمیا سینٹرز ہیں۔۔ ماشااللہ سب ہی اچھا کام کررہے ہیں۔۔ میرا خواب ایک آئرن چلیشن سینٹر بنانے کا ہے۔۔ ہمارے ملک کے تھیلیسیمیا سینٹرز اپنی برداشت سے زیادہ بچوں کو رجسٹر کرکے انہیں علاج مہیا کرنے میں مصروفِ عمل ہیں۔۔ ہمارے سینٹرز افسوس کے ساتھ بچوں کو مکمل فولاد کم کرنے والی ادوایات مہیا نہیں کر پارہے۔۔ اور سب ہی جانتے ہیں جہاں خون چڑھانا ضروری ہے وہیں جسم میں جمع ہونے والے فولاد کو نکالنا بھی ضروری ہے۔

میرا خواب ہے ایک سینٹر بنا سکوں جہاں بچے آ کے اپنی ڈوز کے حساب سے فولاد کم کرنے والے انجکشن اور ادوایات لے سکیں، وہیں بیٹھ کے انجکشن لگواسکیں ڈاکٹر اور عملے کی نگرانی میں۔۔

کچھ دینی اور دنیاوی تعلیم کا بھی انتظام ہو، کچھ ہنر سیکھانے کا انتظام بھی ہو،کیوںکہ انجکشن لگانے کے لئے بارہ سے زائد گھنٹے لگتے ہیں تو جب تک بچے سینٹر میں ہوں وہ کچھ نا کچھ سیکھ کر با ہنر با اختیار بن کر اس معشرے کے ایک باعزت شہری بن کر اپنے پیروں پر کھڑے ہوسکیں اور اپنے دوسرے فیلوزکا بھی ساتھ دیں سکیں۔۔

میں جانتی ہوں یہ آسان نہیں، میں جانتی ہوں ان سب کے لئے بہت وسائل درکار ہوںگے، پر میں یہ بھی جانتی ہوں کہ میرے رب کے لئے کچھ مشکل نہیں، کب وہ اپنے نیک بندوں کے ذریعے میرا یہ خواب پورا کروادیں۔۔ یا شاید میرے ہاتھوں نہ صحیح یہ خواب پڑھ کر کوئی اور اس پر عمل کرلیں۔۔

3 thoughts on “خواب۔۔”

Leave a Reply