Thalassemia awareness..

Aik andaze ke mutabiq har saal Pakistan mein 6000 #thalassemia major bache paida hote hain.. which means 16 per din.. roz new cases..

Thalassemia Centres ki itni awareness campaigns ke bawujood roz new case samne atey hain.. kaheen cousin marriage, kaheen dour dour tak koi rishta nahi..

Hum kyun nahi samjhte thalassemia minor koi bhi hosakta hay, hum kyun nahi samjhte hamari aik la-parwai hamari naasl’on pe bhari par sakti hay.. hum kyun family mein koi case diagnose hone ka wait karte hain? konsi rocket science hay jo hume samjh nahi arahi? Aur sawal yeh hay ke kaise aye gee? Kia karna chahiye aisa?

Afsoos tu parhi likhi awam pe hota hay, jo aik test na karwane ki wajah se apne new born ko kabhi kisi doctor, kabhi kisi hospital liye liye phirte hain.. gaao’n dehaat mein awareness na hona samjh ata hay per Karachi, Lahore, Islamabad jaise cities mein parhi likhi awam ko insan kia kahen?

Family mein thalassemia diagnose hone ka intezar na karen, sehat aik naimat hay qadar karen.. aik test kerwa ke apni aulaad ko #thalassemia se mehfooz karen..

Leave a Reply