Tag Archives: thalassemia major

Iron Chelation Program..

 

You can even donate 500, you can donate anonymously, I know this is my personal account and my organization isn’t registered but me and my family is helping #thalassemia community since more than a decade Alhamdulillah. You can always ask me for proofs, receipts, you can ask any question..

If can’t donate then please share the post. Help save lives. JazakaAllah khair

Help us bring betterment in their lives..

کیسے۔۔؟

اگر ہمارے سر پر چھت ہے، پیٹ بھرنے کو تین ٹائم کا کھانا ہے، ضرورتِ زندگی کا سب سامان ہے تو یقینا ً ہم لاکھوں لوگوں سے خوش نصیب ہیں۔۔

تھیلیسیمیا ایک بہت مہنگی اور مہلک بیماری ہے۔۔ آزمایشوں کا سفر صرف تھیلیسیمیا میجر ہونے پر ختم نہیں ہوتا۔۔ اگر آپ غریب گھرانے میں پیدا ہوئے ہیں، پڑھے لکھے نہیں ہیں تو زندگی مسلسل ایک جنگ ہے۔۔

تھیلیسیمیا میں بہت سے مسئلے درپیش ہوتے ہیں، کبھی ہڈیوں کا درد، کبھی مہنگے ٹیسٹ، کبھی مہنگی ادوایات۔۔ اگر آپ کسی گاوُں سے ہیں تو علاج کے ساتھ ساتھ شہر میں رہنے، کھانے پینے کا خرچہ۔۔ آزمائش اور مزید آزمائش۔۔

کچھ دن سے ہماری ٹیم ہمارے ایک تھیلیسیمیا فیلو کے ساتھ مصروف ہے، جس کو فریکچر ہوگیا ہے، آسٹیو پراسس ۔ ہڈیوں کا بھر بھرا پن بھی۔۔ وہ فیلو دادو سندھ کا رہائیشی ہے، والدہ اور بھائی ہیں فیملی میں۔۔ بھائی چنگچی چلاتا ہے گھر کے گزر بسر کے لئے۔۔

بہت تکلیف پہ جب ایک ڈاکٹر کے کہنے پے اس نے ایک ہڈیوں کے ڈاکٹر کو دکھایا تو انھوں نے ایک مہنگا ٹیسٹ اور آٹھ ہزار کا پلاسٹر لکھ دیا۔ ٹیسٹ بھی کروالیا، رپورٹ بھی آگئی، گیارہ ہزار کا انجکشن بھی لکھ دیا۔۔ اب پلاسٹر لگوا کے دو مہینے کہاں رہوگے، کیسے آنا جانا کرو گے دادو سے خون لگوانے ہر پندرہ دن بعد؟ مطلب آزمائش پہ آزمائش۔۔

ایسے بہت سے کیس ہمیں ہر تھیلیسیمیا سینٹر میں ملتے ہیں، جن کے پاس تھیلیسیمیا میں ہونے والے اضافی مسئلوں کو حل کرنے کی استطاعت نہیں ہوتی، نہ اچھے ڈاکٹر کو دکھا سکتے ہیں، نہ مہنگے ٹیسٹ کرواسکتے ہیں۔۔ نہ مہنگی دوائی لے سکتے ہیں۔۔ زندگی کو روز اپنے ہاتھوں سے پھسلتے دیکھنے کے علاوہ کچھ نہیں ہوتا ان کے پاس۔۔

میرا دماغ دو دن سے بہت ماوف ہوگیا ہے۔۔ دل ایسے فیلوز کے لئے بہت کچھ کرنے کا چاہتا ہے۔۔ ہر فیلو جس کو ضرورت ہے ڈاکٹر کی، دوائی کی۔۔ ٹیسٹ کی۔۔ ان کی ہیلپ کرنے کا دل چاہتا ہے۔۔ پر کیسے۔۔ بہت مشکل ہے یہ کام۔۔